10 ויקם דוד ויברח ביום ההוא מפני שאול ויבא אל אכיש מלך גת׃
11 ויאמרו עבדי אכיש אליו הלוא זה דוד מלך הארץ הלוא לזה יענו במחלות לאמר הכה שאול באלפו ודוד ברבבתו׃
12 וישם דוד את הדברים האלה בלבבו וירא מאד מפני אכיש מלך גת׃ 13 וישנו את טעמו בעיניהם ויתהלל בידם ויתו על דלתות השער ויורד רירו אל זקנו׃ 14 ויאמר אכיש אל עבדיו הנה תראו איש משתגע למה תביאו אתו אלי׃ 15 חסר משגעים אני כי הבאתם את זה להשתגע עלי הזה יבוא אל ביתי׃