25 כי לא אכחד מכם אחי את הסוד הזה פן תהיו חכמים בעיניכם כי טמטום הלב למקצת נהיה לישראל עד כי יכנס מלא הגוים׃
26 ובכן כל ישראל יושע ככתוב ובא לציון גואל וישיב פשע מיעקב׃ 27 ואני זאת בריתי אותם בהסירי חטאתם׃
28 הן לפי הבשורה שנואים הם למענכם אך לפי הבחירה חביבים הם למען האבות׃ 29 כי לא ינחם האלהים על מתנותיו ועל קריאתו׃ 30 כי כאשר גם אתם מלפנים ממרים הייתם את פי אלהים ועתה הוחנתם במרים של אלה׃ 31 כן גם אלה עתה ממרים היו למען על ידי חנינתכם גם הם יחנו׃ 32 כי האלהים הסגיר את כלם ביד המרי למען יחן את כלם׃
33 מה עמק עשר חכמת אלהים ועשר דעתו משפטיו מי יחקר ודרכיו מי ימצא׃
34 כי מי תכן את רוח יהוה ואיש עצתו יודיענו׃ 35 או מי הקדימו וישלם לו׃
36 הלא הכל ממנו והכל בו והכל אליו אשר לו הכבוד לעולמים אמן׃