1 אז באו אל ישוע הסופרים והפרושים אשר מירושלים׃ 2 ויאמרו מדוע תלמידיך עברים את קבלת הזקנים כי אינם רחצים את ידיהם באכלם לחם׃ 3 ויען ויאמר אליהם מדוע גם אתם עברים את מצות אלהים בעבור קבלתכם׃ 4 כי אלהים צוה לאמר כבד את אביך ואת אמך ומקלל אביו ואמו מות יומת׃ 5 ואתם אמרים האמר לאביו ולאמו קרבן כל מה שאתה נהנה לי אין עליו לכבד את אביו ואת אמו׃ 6 ותפרו את דבר האלהים בעבור קבלתכם׃ 7 חנפים היטב נבא עליכם ישעיהו לאמר׃
8 העם הזה נגש בפיו ובשפתיו כבדוני ולבו רחק ממני׃ 9 ותהו יראתם אתי מצות אנשים מלמדים׃