The Parable of the Sower

Matthew 13

¹ ויהי ביום ההוא ויצא ישוע מן הבית וישב על הים׃ ² ויקהלו אליו המון עם רב וירד אל האניה וישב בה וכל העם עמדים על שפת הים׃ ³ וירב לדבר אליהם במשלים לאמר הנה הזורע יצא לזרע׃ ⁴ ובזרעו נפל מן הזרע על יד הדרך ויבא העוף ויאכלהו׃ ⁵ ויש אשר נפל על מקמות סלע אשר אין לו שם אדמה הרבה וימהר לצמח כי לא היה לו עמק אדמה׃ ⁶ ויהי כזרח השמש ויצרב וייבש כי לא היה לו שרש׃ ⁷ ויש אשר נפל בין הקצים ויעלו הקצים וימעכהו׃ ⁸ ויש אשר נפל על האדמה הטובה ויתן פרי זה מאה שערים וזה ששים וזה שלשים׃ ⁹ מי אשר אזנים לו לשמע ישמע׃